Դիզայներ, լուսանկարիչ, կոլեկցիոներ և հրատարակիչ, Chanel (1983թ.) և Fendi (1965թ.) նորաձևության տների գլխավոր դիզայներ և կրեատիվ տնօրեն Լագերֆելդը մահացել է Փարիզում, փետրվարի 19-ին, 85 տարեկան հասակում: Լեգենդար դիզայներն ուներ կյանքի կանոնները, որոնցով էլ շարժվել է:
1. Տղամարդկանց նորաձևությունն ինձ քիչ է հուզում: Ոչ, իհարկե ես ինձ համար հագուստ գնում եմ և ի սրտե ուրախանում եմ Celine ապրանքանիշի հաջողություններով, բայց նկարել տղամարդու հագուստի հավաքածու և շփվել այդ հիմար մոդելների հետ, օ~ ոչ, շնորհակալություն:
2. Խնդրում եմ մի ասեք, որ ես շատ եմ աշխատում: Այս աշխարհում ոչ ոքի չեն ստիպում աշխատել: Եթե մարդուն հոգնեցնում է այս գործը, թող ընտրի այլ աշխատանք: Բայց իհարկե ոչ, շատերը սկսում են աշխատել այս ինդուստրիայում և հետո սկսում են փնթփնթալ ու բողոքել. «Աաա~, այնպիսի ծանրաբեռնված գործ է»: Ինչ որ հրաշքով նրանք դառնում են նկարիչներ, բայց չափից դուրս թույլ են, խղճուկ և փխրուն, նրանք ոչինչ են: Մենք պարտավոր ենք լինել ձիգ և չտրտնջալ: Մարդիկ գնում են հագուստ, որպեսզի երջանիկ լինեն, այլ ոչ թե ցանկանան իմանալ, թե ինչպես է, ինչ որ մեկը ողբացել կտորը ձևելու ժամանակ:
3. Նորաձևության ցուցադրության նախորդ գիշերը ես տանից դուրս չեմ գալիս, դա վատ նշան է:
4. Եթե չեք ցանկանում, որ ձեր վրայից տաբատը հանեն, ապա մոդելի կյանքից հրաժարվեք: Գնացեք մենաստան: Մենաստանում ձեզ համար միշտ տեղ կգտնվի:
5. Նորաձևության աշխարհում ես նիմֆոման եմ, որը երբեք օրգազմի չի հասնում:
6. Մայրս միշտ ասում էր. «Դու ինձ ես նման: Բայց ամեն դեպքում, այդքան էլ լավը չես»
7. Կարծում եմ, որ նորաձևությունը նիհարելու ամենալավ մոտիվացիան է: Ժամանակին ես տվայտվում էի Էդի Սլիմանի հագուստները կրելու ցանկությունից, բայց նա իր հագուստները կարում էր նիհար տղամարդկանց համար: Իսկ այդ ժամանակ ես 101 կգ էի և պետք է նիհարեի առնվազն 38 կգ:
8. Ես երբեք չեմ տրտնջում: Հենց դրա համար բոլոր դիզայներներն ինձ ատում են: Նրանց հետաքրքում է միայն «մուսան», նրանք կարող են ժամերով մտածել, թե որտեղ կարեն այդ կոճակը, կամ օգնականի նկարած սկետչներից որ մեկը ընտրեն: Այս ամենն ինձ հունից հանում է: Ես ՄԵՔԵՆԱ եմ: Ինձ օտար են մարդկային զգացմունքները:
10. Ես տիկին Օբամայի մեծ երկրպագուն եմ, նա հեքիաթային դեմք ունի: Խենթանում եմ այն պատմության համար, երբ նրան հարցրել էին, չի կարծում, որ շատ կիպ և ընդգծող շրջազգեստ է հագել: Տիկին Օբաման պատասխանել էր. «Իսկ ինչո՞ւ, Ձեզ մի թե դուր չի գալիս իմ մեծ, սև հետույքը»:
11. Ես ծնված չեմ, որպեսզի օգնական լինեմ: Այո, իհարկե սկզբնական հատվածում պետք է աշխատես որպես օգնական, բայց ոչ երկարաժամկետ: Հակառակ դեպքում անհույս ես: Ես, որպես օգնական աշխատել եմ 3 տարի: Այնուհետև սկսեցի աշխատել Ժան Պատուի մոտ: Շատ ճանապարհորդում էի, մեքենաներ ձեռք բերեցի, շատ զվարճալի էր: Բայց տարվա մեջ կարել ընդամենը 16 հագուստ` 2 հավաքածուի համար, ինձ սկսեց հոգնեցնել: Եվ ես սկսեցի ֆրիլանս տարբերակով աշխատել Chloé-ի հետ: Անցավ 20 տարի: Դարձա Chanel-ի կրեատիվ տնօրենը: Բոլորը սկսեցին փնթփնթալ. «Ինչի՞դ է պետք, ապրանքանիշն արդեն մահացել է», բայց այս խոսակցություններն ավելի էին սրում իմ հետաքրքրությունը դեպի այս ապրանքանիշը:
12. Շատ դիզայներներ վարձում են մարդկանց, որոնք համակարգչի միջոցով էսքիզներ կնկարեն: Ես ինքս եմ այդ ամենն անում: Ինձ դուր է գալիս ձեռքով նկարել: Ես նաև քաղաքական նկարներ եմ ստեղծում, բայց ավելի լավ է դրանք պահեմ ինձ մոտ:
13. Մի անգամ ընկերս մեկնելուց առաջ խնդրեց, որ իր կատվին վերցնեմ ինձ մոտ և որոշ ժամանակ պահեմ: Երկու շաբաթ անց ընկերս վերադարձավ, ու ես նրան ընդունեցի այս խոսքերով. «Կներես, բայց Շուպետը կմնա ինձ հետ»: Ընկերս դեմ չեղավ, իր համար նոր կատու որդեգրեց: Բայց, իհարկե այդ կատուն Շուպետի պես հրաշք չէր:
14. Իմ ամենամեծ խնդիրն այն է, որ իմ արած աշխատանքից, երբեք գոհ չեմ լինում: Կարծում եմ, որ կարող էր ավելի լավ ստացվել և որ ես ծուլացել եմ: Ինձ դուր չի գալիս, որ դիզայներները հիացմունքով են խոսում իրենց նախկին աշխատանքների մասին, արխիվացնում են հին զգեստները: Ես ոչ մի զգեստ չեմ պահպանել:
15. Իմ մահվանից հետո ոչ մի թաղում չլինի: Այո ես շուտով շունչս փչելու եմ: Ես նախընտրում եմ, որ ինձ դիակիզեն և փոշին, մորս և Շուպետի փոշու հետ ցրիվ տան:
Comments
Post a Comment