1890թ.-ին 18-ամյա, դեռ անհայտ, սակայն երազկոտ Մաթիլդա Կշեսինսկայան ավարտեց Արքայական թատերական ուսումնարանը: Ըստ ավանդույթի` ուսումնարանի բոլոր շրջանավարտներին, այնպես էլ Մաթիլդային ներկայացրեցին թագավորական ընտանքին: Տաղանդավոր աղջնակն իր պահվածքով և արաբական պարերով` գրավեց Ալեքսանդր 3-րդի ուշադրությունը: Մաթիլդան ուսումնարանի շարքային սան էր և չէր կարող ներկա գտնվել Ռոմանովների տոնակատարություններին, սակայն մի օր, երբ արքան նկատեց երիտասարդ պարուհու բացակայությունը, հրամայեց անմիջապես նրան հրավիրել տոնակատարության սրահ: Երբ Մաթիլդան եկավ, Ալեքսանդր 3-րդն ասած. «Մադմուազել, դարձե՛ք մեր բալետի զարդն ու փառքը»:
Ընթրիքի ժամանակ պարուհուն նստեցրեցին գահաժառանգ Նիկոլայի կողքին:
Չնայած իր դիրքրին և երիտասարդ տարիքին (նա այդ ժամանակ 22 տարեկան էր), Նիկոլայը աչքի չէր ընկնում իր սիրավեպերով, որտեղ կարող էր ցուցադրել իր խառնվածքն ու բնավորությունը:
1889թ.-ին իշխան Սերգեյ Ալեքսանդրովիչի հրավերով Պետերբուրգ է ժամանում արքայադուստր Ալիսա Հեսսեն-Դարմշտադտսկայան:
Աղջիկը Անգլիայի թագուհի` Վիկտորիայի թոռնուհին էր:
Պետերբուրգ ժամանելուց հետո` Ալիսան ծանոթացավ արքայազն Նիկոլայի հետ: 6 ամսվա ընթացքում Ալիսան ու Նիկոլայն այնքան մտերմացան, որ ռուս արքայազնը, որոշեց ամուսանանալ Ալիսայի հետ: Բայց արքան` Ալեքսանդր 3-րդը, երբ իմացավ այդ մասին, որդուն հրամայեց մոռանալ աղջկան: Պատճառն այն էր, որ Ալեքսանդր 3-րդն ու Մարիա Ֆյոդորովնան
որոշել էին Նիկոլային ամուսնացնել Ֆրանսիայի արքայի թեկնածուի աղջկա հետ, նրա անունը Լուի-Ֆիլիպ-Լուիզ-Հենրիետ էր:
Ինչպես ամերիկյան The
Washington Post-ն էր գրում, ֆրանսուհին կանացի առողջության և գեղեցկության մարմնացում էր, քանի որ ակտիվորեն զբաղվում էր սպորտով:
1894թ.-ին, երբ արքայի առողջական վիճակը վատացավ, իսկ Նիկոլայը շարունակում էր իր ջերմ հարաբերությունները Ալիսայի հետ, իշխանուհի Ելիզավետա Ֆյոդորովնան օգնում է նրանց և որոշակի ազդեցություն ունենում արքայի վրա: Այդպես, նույն տարում հայտնվեց մանիֆեստ, ըստ որի հայտարարվում է գահաժառանգ Նիկոլայի և Ալիսա Հեսսեն- Դարմշտադտսկայայի նշանադրության մասին:
Սակայն մինչ դա, 1890թ.-ին, երբ Նիկոլայը դեռևս միայն նամակագրական կապի մեջ էր Ալիսայի հետ, նրան հանկարծակի ծանոթացնում են Մաթիլդա Կշեսինսկայայի հետ:
Պատմաբանները կարծում են, որ խորամանակ Ալեքսանդր 3-րդը միտումնավոր ծանոթացրեց արքայազնին և պարուհուն, որպեսզի Նիկոլայը մոռանար Ալիսային և էներգիան ծախսեր այլ բաների վրա: Եվ արքային դա հաջողվեց, արդեն ամռանը արքայազնը իր օրագրում գրում է. «Փոքրիկ Կշեսինսկայան դրական է ինձ վրա ազդում …»:
Նիկոլայը նաև հաճախ էր գտնվում Մաթիլդայի բալետային ներկայացումներին:
«Փոքրիկ»
Կշեսինսկայան շատ լավ գիտակցում էր ինչ խաղի մեջ է մտել, սակայն չէր պատկերացնում, որ արքայական ընտանիքի հետ իր հարաբերություններն այդքան հեռու կգնան:
Երբ Նիկոլայի հետ հարաբերությունները խորացան, Մաթիլդան իր հայրիկին, որը չեխ հայտնի պարող էր և ելույթ էր ունենում Մարիինյան թատրոնի բեմում, հայտնեց, որ դարձել է արքայազնի սիրուհին:
Հայրը լսեց աղջկան և տվեց մեկ հարց` արդյո՞ք Մաթիլդան գիտակցում է, որ ապագա արքայի հետ սիրավեպը անարդյունք է ավարտվելու:
Այդ հարցը Մաթիլդան վաղուց ինքն իրեն տվել էր, և հորը պատասխանեց, որ ցանկանում է «սիրո բաժակից» ըմպել մինչև վերջ:
Սիրավեպը տևեց
գրեթե 3 տարի:
Մաթիլդան իսկապես սիրում էր Նիկոլային, նույնիսկ իրենց հարաբերությունները համարում էր ճակատագրական: Երբ նրանց հարաբերությունները նոր էին սկսվել, Մաթիլդան իր օրագրում գրել էր. «Սիրահարավել եմ գահաժառանգին` մեր առաջին հանդիպումից սկսած:
Ամռանը, երբ նրան հանդիպեցի, զրուցեցի` այդ զգացումը տարածվեց ամողջ հոգովս, և ես կարող էի միայն նրա մասին
մտածել…»:
Սիրահար զույգը հիմնականում ժամանակ էր անցկացնում Կշեսինսկայանների տանը և երբեք գաղտնի չէր պահում սիրավեպը:
Այդ մասին գիտեին նաև պալատում, արքան անգամ դեմ չէր այդ հարաբերություններին:
Հետագայում Մաթիլդան օգնության համար իրոք դիմում է Նիկոլային, բայց կապված` մասնագիտական գործունեության և թատերական ինտրիգների հետ:
Մաթիլդան շարունակեց պարել և հատկապես փետուրի պես ճախրել, երբ հանդիսատեսի շարքերում տեսնում էր նախկին սիրելիին: Իսկ Նիկոլայը` կրելով թագը, արդեն ամբողջովին խորասուզվել էր պետական գործերի մեջ, որոնք լցվել էին նրա գլխին` հոր մահից հետո: Այդպես Նիկկին ապրում էր իր սիրելի «Ալիկս»-ի հետ, ինչպես ինքն էր անվանում Ալիսային:
 |
| Նիկոլայն ու Ալիսան |
Երբ Նիկոլայն ու Ալիսան նշանադրվեցին, Նիկկին անկեղծորեն ամեն ինչ պատմեց Ալիկսին, նա էլ պատասխանեց. «Ինչ եղել է, եղել է,
այդ թեմային երբեք չենք վերադառնա: Մենք բոլորս շրջապատված ենք գայթակղություններով, իսկ երբ երիտասարդ ենք, միշտ չէ, որ կարող ենք դրա դեմ պայքարել: Ես սիրում եմ քեզ, ու հիմա ավելի ուժգին, երբ ինձ պատմեցիր այդ ամենը: Քո վստահությունը խորը հուզում է ինձ, արդյո՞ք ես կլինեմ այդ վստահությանդ արժանի
…»
Տարիներ անց Նիկոլայն և նրա ընտանիքը գնդակահարվեց, իսկ ահա Մաթիլդային սպասվում էր այլ ճակատագիր, նա դարձավ կայսրության ամենահարուստ կանացից մեկը: Սիրավեպ ունեցավ իշխան Սերգեյ Միխայիլովիչի հետ, որից որդի ծնեց, այնուհետև մեկնեց Եվրոպա, սիրային հարաբերությունների մեջ մտավ իշխան Անդրեյ Վլադիմիրովիչի հետ, վերջինս իր ազգանունը տվեց Մաթիլդայի որդուն:
Կշեսինսկայան դարձավ տվյալ ժամանակահատվածի բալետի ամենալավ պարուհիներից մեկը: Վերջիվերջո Մաթիլդա Կշեսինսկայան համարվում է այդ դարաշրջանի ամենագրավիչ կինը, որը կարողացավ գայթակեղել ապագա արքա Նիկոլայ 2-րդ Ռոմանովին:
 |
| Մաթիլդան որդու հետ |
 |
| Մաթիլդան 99 տարեկան հասակում |
Մաթիլդան մահացավ 99 տարեկան հասակում, Փարիզում:
Comments
Post a Comment